Маңғыстаумұнайгаз спартакиадаға іріктеу ойындарын аяқтады

Өткен аптада түрлі спорт пәндері бойынша іріктеу ойындары өткізілді, олардың қорытындысы бойынша Спартакиадаға қатысу үшін «Маңғыстаумұнайгаз» АҚ құрамасы жасақталды. Осылайша, жүзу, шахмат, тоғызқұмалақ, асық ату, киберспорт, арқан тарту, армрестлинг, волейбол, баскетбол және футзал бойынша жазғы ойындарға қатысушылар анықталды. Үстел теннисінен іріктеу ойындарын өткізу ғана қалды (27 мамырда өтеді).

«Барлық ойындар жарқын, ымырасыз және ең бастысы әділ күресте өтті, – деді ұйымдастыру комитетінің төрағасы, «Маңғыстаумұнайгаз» АҚ әлеуметтік саясат департаменті директорының орынбасары Асан Сақтапов. – Біздің компаниядан қатысушылар белгілі болғанымен, босаңсуға болмайды. Енді бірнеше апта бойына өте қызу дайындық жаттығулары өткізіледі».

Іріктеуден өткен спортшылардың өз формаларын сақтап, оны одан әрі шыңдауы маңызды. Жазғы Спартакиадада біздің компанияның командасы лайықты өнер көрсетеді деп үміттенемін.

Естеріңізге сала кетейік, биыл «ҚазМұнайГаз» ҰК» АҚ Спартакиадасы Ақтауда алғаш рет өткелі отыр, оған Қазақстанның түкпір-түкпірінен мұнай және сервистік компаниялардың қызметкерлері қатысады.